വാഷിംഗ്ടൺ ഡിസി: ഇറാനിലെ ടെഹ്റനിൽ വീണ്ടും വ്യാപക ആക്രമണം നടത്തിയെന്ന അവകാശവാദവുമായി യുഎസ് പ്രസിഡന്റ് ഡോണൾഡ് ട്രംപ്. ആക്രമണത്തിൽ നിരവധി ഉന്നത സൈനിക നേതാക്കൾ കൊല്ലപ്പെട്ടുവെന്നും സാമൂഹമാധ്യമമായ ട്രൂത്തിലൂടെ ട്രംപ് വെളിപ്പെടുത്തി.
ആക്രമണത്തിന്റെ ഒരു മിനിറ്റ് ഏഴ് സെക്കൻഡ് ദൈർഘ്യമുള്ള വീഡിയോ സഹിതമുള്ള പോസ്റ്റാണ് ട്രംപ് പങ്കുവച്ചത്. 48 മണിക്കൂറിനുള്ളിൽ ഒരു കരാറിൽ ഏർപ്പെടുകയോ അല്ലെങ്കിൽ ഹോർമൂസ് കടലിടുക്ക് വീണ്ടും തുറന്നുനൽകുകയോ ചെയ്തില്ലെങ്കിൽ വലിയ പ്രത്യാഘാതമുണ്ടാകുമെന്ന അന്ത്യശാസനത്തിന് പിന്നാലെയാണ് ഈ ആക്രമണം.
ആക്രമണത്തെക്കുറിച്ച് ഇറാൻ ഔദ്യോഗികമായി പ്രതികരിച്ചിട്ടില്ല.